VOLLEYBALLSKULEN I FØRDE - COLLEGE MODELLEN.
1. Volleyballskulen er eit formelt samarbeid mellom Hafstad vid. skule og Sunnfjord folkehøgskule.
Elevar som går på Førde tekniske fagskule, Mo og Jølster vid. skule og Øyrane vid. skule kan også koblast til volleyballskulen.
2. Skulane legg til rette for at elevar med volleyballmotiv kan kombinere utdanning og idrett.
3. Elevane på volleyballskulen trener på dagtid i Førdehuset eller i gymsalen på Sunnfjord folkehøgskule.
4. På kveldstid trenar elevane i sine respektive klubbar. Trening i volleyballskulen vert integrert med trening på kveldstid i klubbane. Eit overordna mål er at elevane kan legge ball- og styrketrening inn i skuletida eller tidleg ettermiddag for å får betre tid på kveldstid til lekser, restitusjon og fritid.
5. Volleyballelevane på Sunnfjord folkehøgskule har fast to balløkter for veka i skuletida.
6. Elevane på Hafstad vid. skule kan velge valfag volleyball, utvida kroppsøving/volleyball og valfag volleyballinstruksjon. Valfag volleyballinstruksjon gjev Trenar 1 kompetanse.
7. Førde vbk og Tambarskjelvar i.l. saman med volleyballskulen samarbeidar med volleyball-gymnasiet i Faldköping (Sverige), Mdk Warszawa (Polen), Kent, Seatle (USA) og dei polske klubbane Skra Warszawa og Lks Jutrzenka.
8. Glacier cup er ei internasjonal turnering i Førde som vert arrangert på vårparten. Turneringa rettar seg mot juniorlandslag eller klubblag med juniorsatsing som prioritet. Landslagstrenarar og klubbtrenarar held førelesingar som går inn i Trenar 1 utdanninga/valfag volleyballinstruksjon.
I 1999 deltok Norge og Sverige sine juniorlandslag saman med MDK Warszawa og Førde vbk sine juniorlag.
9. Deltakarane på volleyballskulen deltar fast på internasjonale turneringar og i skule VM:
- Holte International Youth Tournament - København (1993,1994,1996),
- Baltic Sea Junior - Helsinki (1997),
- Warszawa (1998,1999),
- Pionki (2000)
- skule VM i Frankrike - Paris (1994),
- skule VM i Slovakia - Komarno (1996),
- skule VM i Hellas - Athen (1998) og
- skule VM i Portugal - Porto (2000).
10. Volleyballskulen hentar idear frå college- universitetsidretten der utøvarane trenar i skuletida eller rett etter skuleslutt. College modellen legg følgjande til grunn:
- Volleyballskulen og klubbane sine treningstider vert koordinert.
- Elevane må ete eit ekstra måltid på slutten av skuledagen.
- Elevar som bur på hybel må rettleiast i høve til ernæring og kosthald.
- Elevar må kunne nytte skuleskyssordninga med buss seinare på ettermiddagen.
- Volleyballelevar vel valfag volleyball på gr.k og vk1 og valfag volleyballinstruksjon på vk2.
11. Volleyballskulen stiller krav til volleyballdugleik, balltalent og fysiske eigenskapar.
Deltakarane som går på Hafstad vid. skule eller andre vid. skular vert evaluert med karakterar og det vert ført fråvær på lik line med andre skulefag.
12. Deltakarane som går på Sunnfjord folkehøgskule tar linefag (reiseliv, foto, musikk, telemark, fjellsport m.fl.) på lik line med dei andre elevane i folkehøgskulen.
13. Volleyballskulen syr tilbod tilpassa den einskilde deltakaren. Nokre trener 2- 3 gonger for veka
med ball. Andre trener 3-4 gongar for veka med ball. Nokre driv lett styrketrening andre driv systematisk styrketrening. Dei som har full pakke er oppe i 5 økter for veka.
14. For å utvikle seg som spelar må ein spele mange kampar. Gjennom treningskampar, seriespel, fylkesmeisterskap, skulemeisterskap, kvalifiseringar til junior NM, landsfinalar, nasjonale- og internasjonale turneringar kan deltakarane spele opp til 30-40 kampar for sesongen.
15. Deltakarane i volleyballskulen spelar på sine respektive lag i seriesystemet.
Klubbane og volleyballskulen koordinerer og tar omsyn til:
- Trening på dagtid i skuleregi.
- Trening på kveldstid i klubbregi.
- Styrketrening.
- Serie- og turneringsaktivitet.
- Krinslagssamlingar NM for krinslag.
- Skulelagstrening og skule NM.
- Tid til annan aktivitet.
- Tid til skulearbeid.
- Krav til skuleprerstasjon.
- Restitusjon.
- Fritid.
16. Volleyballskule har eit samarbeid med lege Svein Welle som er spesialist på idrettsskader.
17. Volleyballskulen samarbeidar med Sunnfjord Trim & fysioterapi. Dette treningsinstittutet har
fagpersonell med toppidrettskompetanse. Her får ein tilgang til idrettsmedisinsk hjelp og
fysioterapi.
18. I volleyballskulen i Førde møtes dei beste juniortalenta i Sogn og Fjordane ambisiøse
volleyballspelarar frå heile landet som vil kombinere skule med volleyballsatsing.